Gæði vefsíðna eru afskaplega misjöfn og því miður alltof mikið af illa gerðum vefsíðum á netinu.  Góð vefsíða þarf í grunninn að vera:

• Fagmannlega unnin útlitslega – ekki of mikið um  flash og helst engin sjálfvirk hljóð.  Góð samhæfing milli útlits og innihalds þarf að vera til staðar.

• Vefsíðan verður að henta viðfangsefninu og vera í stíl við ímynd og ásjónu fyrirtækisins, félagsins, vörunnar, þjónustunnar  eða þess efnis sem vefsíðunni er ætlað að kynna.

• Vel kóðuð og gæta þess vel að allir linkar virki rétt.

• Texti læsilegur, skýr og skilmerkilegur og síðast en ekki síst laus við stafsetningarvillur.

• Myndir góðar og í réttum stærðum, ekki of mikill pixlafjöldi því það hægir á síðunni.

• Leitarvélavæn- í því felst m.a. ekki of mikið flash, leitarorð á réttum stöðum, skráð á allar helstu leitarvélar, alt texti við myndir.  Nánari upplýsingar um leitarvélabestun eru hér.

• Sá sem kemur á síðuna á að átta sig strax á því um hvað vefsíðan er.

• Notandi á að átta sig fljótt á uppbyggingu og leiðakerfi síðunnar.