Vefumsjónarkerfi (Content Management System) hafa rutt sér til rúms á undanförnum árum í vefsíðugerð og þeirra þekktust eru WordPress, Joomla og Drupal.  Það sem WordPress hefur umfram hin stóru kerfin er hversu notendavænt það er, flestir ættu að geta séð um einfaldari uppfærslur á sínum vef sjálfir hafi þeir tíma á annað borð til þess.  Einnig þykir WordPress sérlega leitarvélavænt en það er ekki lítið atriði í vefsíðugerð í dag – enda til lítils að vera á netinu ef vefurinn finnst ekki.

Með tilkomu vefumsjónarkerfanna lækkaði verulega kostnaður við vefsíðugerð.  Mörg þessara kerfa eru svokallaður “open source” hugbúnaður sem þýðir að ekki þarf að fjárfesta í rándýrum hugbúnaði til að hanna vefsíður.